Учениците од прва година во ДУФК „Методи Митевски – Брицо“ имаа можност да присуствуваат на стручно и едукативно предавање реализирано од страна на Факултетот за физичка култура.

Темата на предавањето беше „Соматотипологија“ – одредување на типот на телесна градба преку анализа на висината, телесната тежина и поткожното масно ткиво. Оваа област претставува важна основа за правилен физички развој, насочување и подобрување на спортските способности кај младите спортисти.

Предавањето беше организирано во рамки на предметот „Основи на кинезиологија“ кај проф. Благојчо Весиќ, при што учениците имаа можност да стекнат нови знаења, практични насоки и стручни информации од областа на спортот и физичката култура.

Со ваквите активности, ДУФК „Методи Митевски – Брицо“ продолжува да вложува во квалитетна едукација, практична настава и професионален развој на учениците, создавајќи услови за правилно насочување и напредок на младите спортисти. 💙📚🏃‍♂️

#ДУФКМетодиМитевскиБрицо #Едукација #Кинезиологија #Соматотипологија #МладиСпортисти #ФакултетЗаФизичкаКултура